Jordana valo

Jordana valo
valo [+]
Landoj	Israelo, Jordanio, Palestino
- koordinatoj	32° 19′ 2″ N, 35° 34′ 12″ O (mapo)32.31722235.57Koordinatoj: 32° 19′ 2″ N, 35° 34′ 12″ O (mapo)
DEC
Jordana valo
Vikimedia Komunejo:  Jordan Valley (Middle East) [+]
v • d • r

La Jordana valo estas geografia regiono kiu konsistigas parton de la pli larĝa Jordana Fenda Valo, tra tiu fluas la rivero Jordano, laŭ kiu nomiĝas la valo. La regiono longas 120 kilometrojn kaj larĝas 15 kilometrojn, kaj etendiĝas de la sudo de la Tiberiada Lago norde al la nordo de la Morta Maro sude. Sude de la Morta Maro ĝi plu etendiĝas pliajn 155 kilometrojn ĝis la urbo Akabo - areo ankaŭ konata kiel Arabaho aŭ Wadi Arabah.

Proksimume 47.000 palestinanoj nun vivas en la parto de la valo kiu troviĝas en la teritorio Cisjordanio, en proksimume 20 daŭraj komunumoj inkluzive de la urbo Jeriĥo. Miloj da pliaj palestinanoj, grandparte beduinoj, vivas en dumtempaj komunumoj. Proksimume 11.000 israelanoj vivas en 17 kibucoj kiuj estas parto de la israela regiono Emek HaJarden. Kromaj 7.500 israelanoj vivas en 26 pliaj israelaj setlejoj kaj 5 kampadejoj kiuj fondiĝis en la cisjordania parto de la Jordana valo ekde la 70-aj jaroj de la 20-a jarcento. La parto de la valo, kiu apartenas al la ŝtato Jordanio, havas iom pli ol 85.000 loĝantojn. La plejparto de tiuj estas farmistoj en etaj familiaj farmoj.